Sadrag, Mesag en Abednego
Kategese Graad 4-6, Sondag 26 April 2020, Ds Ulrich OhlhoffWelkom by vandag se les: Sadrag, Mesag en Abednego
Ons hoop jy gaan vandag se les baie geniet. Kyk die video vir ‘n inleiding en lees daarna die res van die les deur.
God het alles wonderlike geskep, ook my en jou!
Ons lees in Genesis hoe wonderlik God die aarde gemaak het. Hy het oor alles wat Hy gemaak het, gesê dit is goed. Hy sê dit ook oor jou, want HY het jou uniek gemaak!! Daarom kan ons weet ons kan as kinders van God voluit leef en bly wees dat Hy ons gemaak het. Ons is SYNE!
God sorg vir ons
Dit maak ons soms seer as ons weet ons doen die regte goed, maar dit voel asof alles teen ons tel en of alles net verkeerd loop. Maar God weet wanneer ons reg optree, en Hy sal ons nooit alleen los om hierdie moeilike goed te hanteer nie. Daarom hoef ons nie bang te wees om die regte ding te doen nie. As God vir hierdie 3 mans kon sorg in daardie vuuroond wat meer as ‘n duisendmaal warmer is as wat hierdie klein vlammetjie wat netnou ons hande gebrand het, kan Hy ons verseker help met enigiets wat vir ons sleg en moeilik is. VERAL as ons God se gebooie gehoorsaam en vergifnis vra vir dit wat ons wel verkeerd doen!Daniël se vriende kon mekaar help en mekaar aanmoedig om die regte ding te doen. Hulle het saam opgestaan vir dit wat reg is. Net so kan die verkeerde vriende jou goed laat doen wat nie reg is nie. Daarom is die vriende wat ons kies baie belangrik.
Besprekingsvrae
1. Wat dink jy moes deur die koning se gedagtes gegaan het toe hy sien die manne klim lewendig en sonder enige merke uit daardie warm oond?
2. Dink jy God doen vandag nog wonderwerke?
3. Het jy al ooit opgestaan vir iets wat reg is, en dan in die moeilikheid gekom? Hoe het jy gevoel?
4. Het jy goeie vriende wat jou in jou geloof help?
Week se uitdaging
Skryf ‘n paragraaf oor hoe jy weet jy en vriende mekaar help om saam vir God te leef, en wat jy en jou vriende kan doen om dit NOG beter te kan doen. As jy kan stuur dit vir jou kategese leier of op julle whatsapp groep.
Gebed
Here, dankie dat U altyd daar is. Dankie dat ek nie bang hoef te wees om die regte ding te doen nie. Dankie vir goeie vriende. Amen.
Graad 4 – 6
Vorige Lesse
Graad 4-6, Sondag 24 Mei 2020
Welkom by vandag se les. Die stemboodskap dien as inleiding vir die les. Daarna kan jy die res van die les deurlees en rustig die besprekingsvrae saam met jou gesin bespreek.
Graad 4-6, Sondag 17 Mei 2020
Welkom by vandag se les. Die stemboodskap dien as inleiding vir die les. Daarna kan jy die res van die les deurlees en rustig die besprekingsvrae saam met jou gesin bespreek. Onthou ook om die week se uitdaging te doen!!
Graad 4-6, Sondag 10 Mei 2020
Welkom by vandag se les: God se Koninkryk Die video dien as inleiding vir die les. Daarna kan jy die res van die les deurlees en rustig die besprekingsvrae saam met jougesin bespreek. Onthou ook om die week se uitdaging te doen!! Skriflesing Die volgende gelykenisse...
Meer oor ons
Media
Kontak
Privacy Policy